
नांदेड, दि. 30 जून :- नांदेड शहरात रस्त्याच्या कामामुळे शिवाजी महाराज पुतळा ते मुथा चौक या मार्गावरील सर्व प्रकारच्या वाहतुकीस येत्या 1 ते 15 जुलै पर्यंत प्रतिबंध करण्यात आले आहे. या मार्गावरील वाहतुकीसाठी पर्यायी मार्ग म्हणून शिवाजी महाराज पुतळा-महावीर चौक ते मुथा चौक असा राहील.
मोटार वाहन कायदा 1988 चे कलम 115 मधील तरतुदीनुसार जिल्हादंडाधिकारी राहुल कर्डिले यांनी संबंधित विभागाने पुढीलप्रमाणे उपाययोजना करुन 1 ते 15 जुलै 2025 कालावधीत नमुद केलेल्या पर्यायी मार्गाने सर्व प्रकारची वाहने वळविण्यास मान्यता दिली आहे. मुथा चौक ते महावीर चौक हा रस्ता एकेरी मार्ग असून रस्त्याचे काम होईपर्यंत सदर मार्ग दुहेरी वाहतुकीसाठी वापरण्यासाठी सुद्धा परवानगी देण्यात आली आहे.
नांदेड पोलीस अधिक्षक यांनी कायदा व सुव्यवस्थेच्या अनुषंगाने आवश्यक ती उपाययोजना करावी. नांदेड सार्वजनिक बांधकाम विभागाचे कार्यकारी अभियंता यांनी रस्ता वाहतूक प्रतिबंध व पर्यायी रस्त्यासाठी आवश्यक असलेले बोर्ड, चिन्ह लावणे इत्यादी बाबतची कार्यवाही करावी, असेही अधिसूचनेत नमूद केले आहे.

More Stories
कमलकिशोर कदम, प्राचार्या गीता लाठकर यांच्यावर फसवणुकीचा गुन्हा दाखल करा अण्णा भाऊ साठे पीपल्स फोर्सचे संस्थापक बा.रा. वाघमारे यांची जिल्हाधिकाऱ्यांकडे मागणी
अल-रिज़वान इंग्लिश स्कूल नांदेड की स्टूडेंट ने MBBS पास कर स्कूल और माता पिता का नाम उज्जवल कर दिखाया!
No Compromise का दूसरा नाम शहाजी उमाप है, नांदेड परिक्षेत्र के दबंग प्रामाणिक गतिशील पोलिस उप महानरीक्षक शाहजी उमाप की टीम की नांदेड लातूर ज़िलों मे रेड मे 1 करोड़ 42 लाख रुपये का माल ज़ब्त, 23 आरोपियों के खिलाफ मामला दर्ज !